هوه فيه ايه

هوه فيه ايه ( مع الاعتذار للفيلم)

افظع شىء والموقف لكل شىء وبعده تجف الاقلام وترفع الصحف ولا يستطيع عنده وصف او تعبير
فالاشياء كلها تفقد معناها تماما وكل الفكر والمشاعر تتوقف تلقائيا حتى اشعار اخر
وليس بعد الكفر ذنب ، كذلك ليس بعد الموت فكر الا فكرة واحده وهى ان الدوام لله ، ومهما طال بنا الامد
فهى رحله قصيره وتجهيز لما بعد الموت ، واذا كنت مسلما فلابد ان تجهز نفسك حسب تعاليم دينك
واذا كنت على دين اخر فانت تتبع خطوات دينك حتى تقى نفسك العذاب ايضا ، ويستريح اصحاب الاديان
السماويه فى حياتهم ايضا ، لان الخطوات تريح دنيا واخره
اما اذا كنت غير مؤمن فانت اهبل او مريض وتستحق العلاج ، لان قدرة الله فينا وحولنا لاتحتاج عقول
كبيره كى تدركها ،
طب وهانعمل ايه فى الستين سبعين اقول تمانين اللى هانعشها ده اذا ماكانتش ارادة ربنا اتوفت طفل او شاب

الاسلام واضح جدا ومش محتاج والدليل ان الرسول الكريم قال لو القيامه قامت وف ايد احدكم زرعه
يزرعها ،
طيب ماشى
اول لقطه عندنا واحد بيدفن اقرب الناس ليه واللى كان معتمد عليه اعتماد اساسى وبيصلوا عليه ويقرأ القرآن لتطمئن نفسه
نفسى اروح احج واعمل عمره
فى اول سنه بعد الوفاه راح يحج وعمل عمره ودعا له بالمغفره
لغاية دلوقتى معرفناش حاجه ، الغريب ان بعد ما رجع من الحج توفى شخص اخر عزيز عليه ،،، خبطتين فى الراس ، واللى ماتوا دعائم فى حياته
طيب خلينا نقول ان اخونا ده معندوش ازمه ماليه ، يعنى راجل متيسر مبيجريش ومكفى على وشه عشان يعيش ويصرف على اولاده ويعلمهم ويأمن مستقبلهم

طيب فين الموضوع فين التشويق فين الدرس المستفاد
الراجل ملتزم بيأدى الوقت بوقته ، وبيغض بصره

نرجع تانى لفكرة الايمان وعيش الدنيا كانك تعيش ابدا ، هوه عايشها دلوقتى كانه هايموت غدا يعنى

المعادله لسه ما كملتش
هوه متيسر طيب ما يزود الفلوس ويستثمر وربنا يرزقه ويتقدم فى حياته ويفتح بيوت ويساعد غيره
ده شىء جميل ونجاح دنيا واخره
اختار مشروع وصرف عليه كل فلوسه وفى الاخر اتنصب عليه وراحت الفلوس كلها
يا خبر وبعدين فى الورطه ديه يعمل ايه ، مشكله كبيره ، يشتغل ، يستلف ، يعيش ازاى ، مشكله
شوف العالم الزباله قاعدين بيقسموا القمر تقسيم قطع اراضى وقاعدين بيشوفوا سفن الفضاء كام سلندر
وبعدين العربيات والاتصالات ده حتى تظبيط الدماغ والتأثير عليها بيتظبط والمواليد بتتصمم وانسان الى
والبنى ادم نصه الى ونصه بنى ادم
وفيها ايه لو نعمل كده عشان نمشى مع اللى ربنا رايدهولنا من تعمير وتطوير وعيش فى الحياه
الناس مشغوله باكل عيشها انت هاتتجنن ولا ايه
افلام السينما بقت سطحيه جدا واغلبها يجيب للناس تخلف
يا عم السينما حرام دى قلة ادب
معقوله هيتجوز البت بتاعة الفيديو كليب
وعدته تديله فلوس
وهيقبلها
وهاعمل ايه هاشتغل ايه وبكام وانا متعود على مستوى معين

وبقيت بتقعد على النت كمان وتتفرج على العالم بجوجل

والموبايل بتاعى مش محتاج شبكه

وهاروح اجيب عربيات بتهدى وتقف لوحدها لو اضطرت الظروف

وتلزقك على قفاك لو نمت وانت بتسوق

وتعزفلك موسيقى هاديه لو اعصابك تعبانه

هاشترى الصفقه من على النت ،
يا حلاوه هى وصلت للنت
كسب فلوس تانى من تجارة العربيات

يا خبر العربيات فى الجراج ولعت ورجع تانى للصفر ، هوه كان ماله ومال كار العربيات ديه
جالو خبر ان مراته ماشيه مع مخرج وضبطهم فى اوضاع مش اللى هيه فطلقها

الراجل قراياته كلها دينيه يعنى بقى عنده كلام ممكن يتقال ، فى الاول اتبرع يقول خطبة الجمعه

وبعدين دروس وبعدين شرايط وبعدين تبرعات ولعبت واتعرف

طلع التليفزيون اتكشف وعرفه ان معلوماته ضحله ورغم كده لسه شويه بيدعموه

الراجل معدش فاهم الدنيا ماشيه ازاى فراح تانى يعمل عمره اتعرف على واحد من اياهم

شكلها كده هانفذ عمليات ، لأ
وانسحب بسرعه قبل ما رجله تيجى فى الخيه
صاحبه المجنون كل شويه يكلمه عن القمر والتمشيه على الكورنيش هناك

نام وحلم انه عايش فوق بس الدنيا ضلمه ومش لا قى حد،،، اقام مفزوع

ايه اللى دخلك موضوع ملكش فيه انت راجل دبلوم صنايع ، افتح ورشة خراطه مالك انت ومال الوعظ

كبرت الورشه وبقت مصنع والراجل بيعلم فى ولاده ورجع مراته لانها اتأسفت وتابت وعلى فكره ما غوطتش مع المخرج ده كان شويه هزار بس زياده شويه
شايفين الواغش اللى احنا فيه ، الدنيا متغيره والناس متغيره ومحدش فاهم حاجه
صاحبه اشتهر جدا عمل تقسيم اراضى للقمر وعارضها للبيع وقاعد يبيعها فى مستشفى المجانين

قصة قصيرة تعبر عن واقع الحياه المعاصر